Та эрүүл мэнддээ анхаарахад ясандаа тийм ч их ач холбогдол өгдөггүй байж магадгүй. Гэвч яснууд – булчингийн адил – амьд эд, бидний амьдралын туршид тасралтгүй өсч, өөрчлөгддөг.
Бид хүүхэд нас болон залуу насандаа ясны масс үүсгэдэг бөгөөд 20 насны дунд үед хамгийн дээд ясны массдаа хүрдэг, 30 нас орчимд ясны масс алдахыг эхэлдэг. Эмэгтэйчүүдийн хувьд энэ алдалт менопаузаар хурдсдаг бөгөөд нас ахих тусам яс сэтэрхий болох эрсдэл нэмэгддэг. Тиймээс залуу насандаа хүчтэй, нягт яс үүсгэхийн тулд хичээх нь чухал бөгөөд нас ахих тусам ясны нягтралыг хадгалахад анхаарах нь зүйтэй!
Бид хүүхэд нас болон залуу насандаа ясны масс үүсгэдэг бөгөөд 20 насны дунд үед хамгийн дээд ясны массдаа хүрдэг, 30 нас орчимд ясны масс алдахыг эхэлдэг. Эмэгтэйчүүдийн хувьд энэ алдалт менопаузаар хурдсдаг бөгөөд нас ахих тусам яс сэтэрхий болох эрсдэл нэмэгддэг. Тиймээс залуу насандаа хүчтэй, нягт яс үүсгэхийн тулд хичээх нь чухал бөгөөд нас ахих тусам ясны нягтралыг хадгалахад анхаарах нь зүйтэй!
Сайхан мэдээ нь, хооллолт, амьдралын хэв маягийг удирдаж, энэ эрсдэлийг бууруулахад туслах боломжтой. Ясны эрүүл мэндийг хадгалахад туслах дөрвөн гайхалтай арга энд байна!"
1. Хангалттай хэмжээнд кальци хэрэглээрэй
Кальци бол насанд туршид ясны нягтаршил ба шүдний эрүүл мэндийг дэмжихэд тусалдаг үндсэн эрдэс бодис юм. Таны бие тус бодисыг өөрөө бий болгож чаддаггүй тул хоол хүнснээс авах шаардлагатай байдаг.
Сүү, тараг, сардин загас (ястай), дүүпүү (tofu), бүйлс, үр, сэвэг зарам, буржгар байцаа, юуцай ба байцааны төрлүүд зэрэг хүнснээс кальцийг аваарай.Түүнчлэн ясан дахь кальцийг алдагдахад хүргэдэг зарим хоол хүнс болон уух зүйлсээс зайлсхийгээрэй! Эдгээрээс ердөө заримыг нь дурдвал давс, кофе, хийжүүлсэн ундаа юм.
2. Жингийн дасгалууд хийх нь
Биеийн жинтэйгээ хөдлөх дасгал хөдөлгөөн нь ясны эрүүл мэндэд гайхалтай ач тустай байдаг. Өөрийн жингээрээ ясандаа ачаалал өгснөөр та ясныхаа өсөлтийг идэвхжүүлэхээс гадна насжилтаас үүдэлтэй ясны нягтаршил буурах явцыг удаашруулдаг. Дээс үсрэх, үсрэх, скуат суух, цохиуртай спортын төрлүүд, ууланд хайкинг хийх зэрэг нь биеийн жинтэйгээ хөдлөх хялбар дасгал хөдөлгөөний хялбар төрлүүд юм.
3. Агаарт гарч D аминдэмээ аваарай
D аминдэм нь биед кальци шингэхэд амин чухал үүрэгтэй байдаг. Энэхүү аминдэмийг та хоол хүнснээс авч болохоос гадна гадаа гарч нарны туяа арьсан дээр тусахад тэрээр биед өөрөө бий болж эхэлдэг. Тиймээс кальцийн шингээлтийг дээд зэргээр сайжруулахын тулд гадаа гарч наранд цагийг өнгөрүүлээрэй. Өдөрт 15-30 минут нарны туяанд гарахад хангалттай байдаг бол хойд туйл руу ойр амьдардаг хүмүүс, ялангуяа өвлийн улиралд үүнээс удаан хугацаанд наранд байх хэрэгтэй. Түүнчлэн агаарт дасгал хөдөлгөөн хийж нэг сумаар хоёр туулай буудаарай! SPF тосоо мартав аа!
4. Кальцитай нэмэлт бүтээгдэхүүн хэрэглээрэй
Хэрвээ та хоол хүнснээсээ хангалттай хэмжээнд кальци авч чадахгүй байна гэж бодож байгаа бол кальцитай хүнсний нэмэлт бүтээгдэхүүн хэрэглэж ясаа шаардлагатай шим тэжээлээр хангах боломжтой.
Бат бөх ястай болох эдгээр зөвлөмжүүдийг мөрдөөд сэтгэл тайван байгаарай!
