Мэдрэмтгий арьс маш түгээмэл ба өнөөгийн аж үйлдвэржсэн ертөнцөд хүн амын 50% мэдрэмтгий арьстай байдаг байна. Энэ төрлийн арьс маш амархан хариу үйлдэл буюу реакци үзүүлэхээс гадна хялбархан цочрох хандлагатай байдаг. Мэдрэмтгий арьсны шинж тэмдгүүдэд хуурайших, ширүүсэх, улайх, таталдах, үрэвсэх, загатнах, чимчигнэх, халуу дүүгэх орох бөгөөд тослог арьс хүртэл мэдрэмтгий байж болдог.

Та төрөлхийн мэдрэмтгий арьстай байж болно эсвэл нарны хэт ягаан туяа, агаарын бохирдол, гоо сайхны бүтээгдэхүүний орц найрлага, агаарын хэмийн өөрчлөлт, стресс, хүйтэн агаар, салхи зэргээс үүдэлтэйгээр арьс тань эмзэгшиж болно. Мэдрэмтгий арьстай холбоотой хамгийн гол асуудал арьсны хамгаалагч давхарга гэмтсэнээс үүдэлтэй байдаг. Хамгаалагч давхарга хэвийн байдлаа алдахад мэдрэмжүүд суларч арьс бүх зүйлд хэт мэдрэг болдог.

• Цаг агаарын өөрчлөлтөд мэдрэг байх: мэдрэг арьс хүйтэн цаг агаар эсвэл салхинд шууд хуурайшиж, улайж, загатнаж холцруутдаг.

• Нүүрээ угаасны дараа арьс халуу оргих, таталдах эсвэл загатнах мэдрэмж төрдөг: Ихэнх угаагч бүтээгдэхүүнд сульфат ба үнэр оруулагч агуулагддаг бөгөөд мэдрэмтгий арьс эдгээр орцуудад хариу үйлдэл үзүүлдэг.

• Арьс арчилгааны эсвэл нүүр будалтын бүтээгдэхүүн хэрэглэсний дараа арьс чимчигнэдэг: арьс арчилгааны бүтээгдэхүүн чимчигнэх мэдрэмж төрүүлэх ёсгүй тул та хэрэв танд ийм мэдрэмж төрвөл та мэдрэг арьстай байж болзошгүй эсвэл арьсныхаа төрөлд тохиромжгүй бүтээгдэхүүн хэрэглэж байх магадлалтай.

• Таны нүүрэн дээр үрэвсэл гардаг: Хэрвээ таны арьсан дэр маш их үрэвсэл, батга гардаг бол үүнийг зөвхөн тослог арьстай холбох хэрэггүй. Арьс тослог биш байсан ч батга гарч болдог. Арьсны төрлөөс үл хамаарч жижиг батга гарч болдог ба энэ нь арьс хэт мэдрэг болохыг илэрхийлж болзошгүй.

• Арьс тань ширүүссэн ба холцруутдаг: Мэдрэмтгий арьсны хамгаалагч давхарга гэмтсэн байдаг тул чийгээ түргэн алдаж хуурай, ширүүн гадаргуутай болж загатнаж холцруутдаг.