Эмзэг хэсгийн арчилгааг хэрхэн зөв хийх талаар олон арга байдаг боловч бид эдгээр хувийн асуудлуудыг тэр бүр бусдад хуваалцаж чөлөөтэй илэрхийлж чаддаггүй.

Энэхүү идэвхитэй жилүүдэд бид дааврын тэнцвэргүй байдал, сарын тэмдэг болон бусад асуудлуудыг даван туулах шаардлага гардаг ба энэ нь ихэвчлэн хөлрөх, наалдамхай мэдрэмжийг бидэнд төрүүлдэг. Сэргэг, цэвэрхэн мэдрэмж төрүүлэх сайн арга бол өдөр бүр эмзэг хэсгээ угаах бөгөөд энэ үед арьсанд таагүй мэдрэмж төрүүлэхгүйн тулд хөнгөн үнэртэй, сэргээгч угаагч гель тун тохиромжтой. Хэт их үнэртэй бүтээгдэхүүн нь арьсыг цочроодог гэдгийг санаарай. Эмзэг хэсэгт тусгайлан зориулсан угаалч гелыг байнга хэрэглэж байгаарай.

Цэвэршилтийн үеийг даван туулах нь биед хэзээ ч амар байдаггүй. Энэ үед бодисын солилцоо удааширч, нойрны асуудал, сэтгэлийн байдал өөрчлөгддөг. Тийм ч учраас бид энэ үеийг онцгой анхаарч арьсыг тайвшруулж хамгийн сайн хамгаалалтын давхарга үүсгэдэг зөөлөн, тослог бүтэцтэй угаагч сонгох хэрэгтэй.

Та аль ч үед өөрийгөө анхаарч халамжлах мөчүүдийг бүү орхигдуулаарай. Зөв хооллож, дасгал хөдөлгөөн хийж, өдрийн тэмдэглэл хөтлөх, дуртай номоо унших эсвэл хойшлуулсан олон ангит кинонуудыг үзэх зэрэг нь таны эрүүл мэндэд маш чухал юм. Бие махбодь гэлтгүй бүх талаараа өөрийгөө халамжлахын зэрэгцээ сэтгэл санаагаа хайрлахаа бүү мартаарай.