Өнгөрсөн үед түгээмэл байсан хүнд будалттай харьцуулбал латтэ нүүр будалт нь зөөлөн, дулаан өнгөөр таны төрөлхийн гоо үзэсгэлэнг тодруулдаг. Яг л таны өглөөний кофед сүү хийхэд үүсдэг дулаан, амтат өнгө адил. Будалтаа арьсыг толийлгож залуу гялбаатай харагдуулах сууриас эхлээрэй. Ниацинамид ба гиалуроны хүчлээр баяжуулсан манай хөнгөн бүтэцтэй суурь шингэн энгэсэг нь арьсанд олон ач тусыг хүргэдэг. Эсвэл өө дарагч хэрэглэж будаагүй мэт будалт үүсгээрэй. Хэт тодоор зааг үүсгэж хэлбэржүүлэхээс зайлсхийж хацар өнгөлөгч-бронзероор царайдаа дулаан өнгө оруулаарай.

Латтэ нүд будалт хийх гол нууц бол зовхины будгийн өнгөнүүдийн зөв сонголт юм. Хуурсан кофены үрийг санагдуулам гүн, баялаг хүрэн өнгө сонгоорой. Дулаан карамел болон хуурсан бүйлсний өнгөнүүд бүхий мат өнгөнүүд зовхины хэмжээг том харагдуулахаас гадна харцыг гүн харагдуулдаг. Түүнчлэн хүрэн өнгийн нүд хүрээлэгчээр нарийн зураас зурж харцаа тодруулаарай. Хүрээний гадна үзүүрийг тарааж уусалт үүсгээрэй. Будалтаа өтгөрүүлэгч сормуусны будгаар зөвхөн дээд сормуусыг будаж дуусгаарай.

Дулаан хул, зөөлөн карамел эсвэл мат терракота өнгөнүүдээр уруулаа будаж латтэ төрхөө бүрэн дүүрэн харагдуулаарай. Гиалуроны хүчил ба Lip Revive Peptide сэргээгч пептидтэй манай уруулын будгууд удаан тогтож уруулыг зөөлөн, толигор харагдуулах гэрэлтсэн мат бүрхүүл үүсгэнэ. Харин хөмсгөө төрөлхийн хэлбэрийг үлдээж, үс багатай хэсгүүдийг хүрэн харандаагаар будахад хангалттай. Ингээд таныг дулаан, гэрэлтсэн харагдуулах нүүр будалт бэлэн боллоо!