Зөөлөн эмэгтэйлэг байдлаас зоримог шийдэмгий төрх – нүдний хүрээ алиныг нь ч илэрхийлж чаддаг учраас, тэрээр дизайнеруудын дуртай будалтуудынх нь чухал хэсэг нь болдог байна. Ганц загварын шоу дээр л гэхэд маш олон янзын нүд болон нүүрний хэлбэртэй загвар өмсөгчид оролцдог. Тийм байхад ч нүдийг ямар ч нумтайгаар зурсан байсан, бүх бүсгүйчүүдийг яруу үзэсгэлэнтэй харагдуулдаг.
Алхам 1: яг таг, нямбай зураарай
Яг л мэргэжлийн түвшинд будалт хийх лайфхак — эрчимт хар өнгөтэй барихад эвтэйхэн фломастер адил бүтэцтэй нүдний хүрээлэгч нь сормуус хооронд өчүүхэн зай ч үлдээлгүй жигд хүрээ үүсгэнэ. Нүдний хүрээлэгчийн үзүүрээр нүдний дотор булангаас эхэлж, дараа нь зовхины дээгүүр бүрэн байрлуулж байгаад шугамыг үргэлжлүүлэн зураарай. Нүдний гадна буланг бага зэрэг дээш өргөх адил татаж зурж болно. Ингээд суурь хүрээ маань бэлэн болмогц, нүдний гадна булан дах нумыг зурна – үүний тулд фломастер хүрээлэгчийг эргүүлж байгаад, хүрээлэгчийн үзүүр хэсгийг будалтын туслах хэрэгсэл адил ашиглаж болно. Өөрөөр хэлбэл, хүрээлэгчийг зовхиндоо дөнгөж хүргэхэд, гурвалжин дүрстэй мөр үлдэнэ. Тэгээд түүнийгээ үндсэн хүрээтэйгээ нийлүүлж холбоорой.
Алхам 2: төгс өнгөтэй хослуулаарай
Тод хүрээг эрчимтэй будалттай хослуулвал, төрх маш хүнд харагддаг учир, будалт хөнгөн байх ёстой. Суурь шингэн энгэсэг дээр гэрэлтүүлэгчээс хэдэн дуслийг нэмж холиод түрхвэл, дотроосоо гэрэлтсэн арьстай харагдана – эсвэл чийгшүүлэгч тосон дээрээ нэмснээр, бага зэргийн гэрэлтсэн праймер адил түрхэнэ. Нүүрээ хөнгөн хэлбэржүүлээд хамар, эрүү болон Т-хэсэгт бага зэргийн хуурай энгэсэг түрхээрэй.
Алхам 3: сонгодог загварыг илүү орчин үеийн болгоорой
Хэрэв сонголт тань сонгодог нуман дээр унасан бол зоримог акценттай хослуулахаас бүү айгаарай. Жишээлбэл, урьдчилан тааварлашгүй тод маникюр. Энэ улирлын өнгө бол пастел нил ягаан өнгө!
