Танд хамгийн хэрэгцээтэй нүүрний 5 төрлийн маск

Маск арьсыг тайвшруулж, эрчимтэй арчилгаа бэлэглэж, хүнд өдрийн дараа 15 минутын турш дуртай олон ангит кинотойгоо хоёулахнаа байх боломжийг олгодог. Маск! Арьсны хэрэгцээ ба төлөвт тохирсон олон төрлийн маск байх тусмаа сайн. Сонголт хийхэд тань тусалъя!

Шавар
Хэдэн  зууны турш арьсыг гүн цэвэрлэхийн тулд шаврыг хэрэглэсээр ирсэн: түүний ашигт шинэ чанаруудын талаар бүр Эртний Египтэд хүртэл мэддэг байв. Түүний үр нөлөө нь мянган жилээр батлагдсан! Шавар дээр суурилсан маск арьсыг тэнцвэрцүүлж, нүх сүвээс бохирдлыг татаж гаргана. Энэ нь тослог болог холимог төрлийн арьстай хүмүүст нэн ялангуяа тохирно гэсэн үг юм. Ногоон шавар, цагаан халгай ба даливсын үндэс – тослог гялгарын эсрэг жинхэнэ түргэн тусламж.
Лайфхак: шавар маск тавихын өмнө арьсаа ууранд халааж, нүх сүвийг нь нээж өгвөл үр нөлөө нь хамаагүй илүү байх болно. Нүүрэн дээрээ бүлээн алчуур тавих эсвэл саванд халуун ус хийгээд ууранд нь суугаарай. Эмзэг мэдрэмтгий, судас нь өргөссөн болон батгашсан арьсанд эсрэг заалттай

Гелэн
Таны арьс алжаасан харагдаж буй тохиолдолд төгс сонголт болно. Компьютерийн ард суусан олон цагийн дараа, хүндхэн долоо хоног эсвэл үүр хүртэл үргэлжилсэн үдэшлэгийн дараа арьсыг сэргээх хэрэгтэй болдгийг бид мэднэ! Гелэн маск нь хөнгөн бүтэцтэй ба арьсыг хормын дотор чийгшүүлж тэнцвэржүүлж өгдөг учраас бид дуртай байдаг. Love Nature жүрж ба инжиртэй маскийг туршаад үзээрэй: найрлага дах ургамлын хандууд арьсыг гэрэлтүүлнэ. Мөн үнэр нь хэчнээн гоё гээч!
Лайфхак: маскийг түрхэхээсээ өмнө хөргөгчинд 10-15 минут байлгана. Сэргээгч нөлөө хаванг буулгахад тусална.

Тосон
Таталдсан мэдрэмж нь сэтгэл санааг өдрийн турш нурааж болзошгүй: хэт хуурай арьстай бүсгүйчүүд үүнийг маш сайн ойлгож байгаа байх. Зөөлөн бүтэцтэй, тэжээллэг маскийг зузаан гэгч нь нүүрэндээ түрхээд, арьс өөрийн эрхгүй тайвширч байгааг мэдрэх хэчнээн таатай билээ! Тосон маск арьсыг эрчимтэй чийгшүүлнэ, хуурайшилтыг арилгана, найрлага дах байгалийн орцууд арчилж тэжээлээр хангана. Жишээлбэл, Love Nature бөөрөлзгөнө ба гаатай маск.
Лайфхак: тосон маск тавьсны дараа нүүрээ угаах хэрэггүй. Нүүрэн дээрх үлдэлдлийг зүгээр л хуурай салфеткаар эсвэл яигтэй алчуураар арчаад авахад л хангалттай – ингэснээр, арьс тань илүү их тэжээл ба халамжийг хүртэх болно

Даавуун
Арьс арчилгааны салшгүй нэгэн хэсэг болох хамгийн эрэлт ихтэй маск. Уг маскийн гол давуу тал нь – шингэн бүтэцтэй бэлдмэл ба даавуун суурины тусламжтай арьсанд гүн нэвчдэг нягтаршуулсан идэвхт орцууд юм. Даавуун маск нь энгийнээс эхлээд хөгшрөлтийн хүртэл хамгийн олон төрлийн үр нөлөө үзүүлнэ. Хамгийн чухал нь даавуун маск тавьсны дараа усаар угаах шаардлагагүй учир, хаана ч хэрэглэх боломжтой! Онгоцонд явахдаа, найз охидын СПА-үдэшлэгт болон гэртээ ваннтай усанд орохдоо гэх мэт. Алинаас нь эхлэхээ мэдэхгүй байна уу? Энгийнээс нь эхлээд үзээрэй: анар ба усан үзмийн антиоксидант маск. Тэрээр дан ганц таны арьсанд хэрэгцээтэй төдийгүй, мөн байгаль дэлхийд ч ээлтэй: модны дээд зэргийн нарийн утас дээр суурилсан, байгальд ээлтэй тенсел даавуугаар хийгдсэн.
Лайфхак: даавуун маскаа нүүрэндээ тавиад, уутанд үлдсэн үлдэгдэл шингэцийг хүзүү, цээж, тохой болон бүр өвдөг дээрээ түрхэж болно - нүүр царайнаас гадна хамгийн түрүүнд насыг тань илтгэдэг, нэмэлт арчилгаа шаардагддаг хэсгүүд юм.   

Шөнийн
Чухам шөнийн цагаар арьс идэвхт орцуудад илүү мэдрэг байдаг. Таныг унтах зуур гоо үзэсгэлэн тань өсөж байдаг гэсэн үг – байгалийн ийм сайхан бэлгийг хэрэглэхгүй байж болно гэж үү! Энгийн маскийг хэрхэвч шөнийн турш үлдээж болохгүй – ийм тохиодолд танд шөнийн зориулалттай маск л хэрэг болно. Жишээлбэл, гиалуроны хүчил ба тэжээллэг тосны найрлагатай NovAge шөнийн маск.
Лайфхак: ийм маскийг дангаар нь бус, харин арьс арчилгааны иж бүрдлийн нэг хэсэг болгон хэрэглэх нь зүйтэй. Долоо хоногт 1-2 удаа гоо үзэсгэлэнгийн нойр шаардлагатай үед, шөнийн тосны оронд хэрэглээрэй: цэвэрлэж бэлдсэн арьс дээр маск хавьгүй илүү нөлөө үзүүлнэ. 

 

Худалдаж авах

;

Холбоотой нийтлэлүүд