Иллэгийн хэрэгслээр хуйхаа баярлуулаарай
Толгойгоо угаах гэж байна уу? Танд гарцаагүй ХУЙХНЫ ИЛЛЭГИЙН ХЭРЭГСЭЛ хэрэгтэй: энэхүү туслагч нь гайхалтай олон давуу талтай. Иллэгийн хэрэгсэл нь цусны эргэлтийг эрчимжүүлж, зөөлөн гуужуулж, стрессийг арилгаж, бохирдлыг цэвэрлэж, илүүдэл тослогжилтыг арилгадаг. Хэрэглэх явцад хэтэрхий чанга дарахгүй байхад анхаараарай, эс бөгөөс хуйхны эмзэг арьсыг цочроохвий. Тасралтгүй хөнгөн даралтаар дугуй хөдөлгөөн хийж, хуйхандаа иллэг хийгээрэй.
Чийгтэй үсэнд
Хэрэв та үсний ороолтыг чанга, бат бөх хийхийг хүсвэл үсээ чийгтэй байхад нь хэлбэрт оруулж эхлэх хэрэгтэй. ХЭЛБЭРЖҮҮЛЭГЧ МУСС БҮТЭЭГДЭХҮҮНЭЭР
эхлээрэй: тэрээр үсний буржгарыг чийглэг, бат бөх болгоход тусална; дараа нь хэлбэрийг тогтоогч бүтээгдэхүүн хэрэглээрэй. Бүтээгдэхүүнийг үсний угаас үзүүр хүртэл түрхэж, хуруугаараа үсээ самнаарай. Тэгж чадсан уу? – Тийм бол «базаж атгаад тавих» дасгал руу ороорой. Энэ нь маш энгийн техник: үсээ хэсэгчлэн хувааж, гарын алгаа яг завины хэлбэр адил дээш харуулж, үсний доод хэсгээс дээш өргөх маягаар нэгэн зэрэг базаж атгана. Амархан байгаа биз дээ?
Үсээ өөрөөр нь хатаагаарай
Үсний ороолтоо хөвсийж арзайлгахгүйн тулд, өөрөөрөө хатах хүртэл хүлээгээрэй. Гэхдээ ингэхийн өмнө микрофибр материалтай алчуураар үсээ ороогоод 10–15 минут байлгаарай. Ийм төрлийн материал нь жинхэнэ гайхамшгийг бүтээдэг: үсийг хөвсийлгөхгүй, усыг түргэн шингээж авснаар үсийг дорохноо хатаахад тусалдаг. Алчуурыг авсныхаа дараа үсээ тэр чигт нь оролдолгүй өөрөөр нь хатаагаарай.
Чийгшүүлэлт, чийгшүүлэлт, чийгшүүлэлт
Буржгар үсэнд маш их чийг шаардлагатай! Тиймээс дараах бүтээгдэхүүнүүдийг нөөцлөөд байгаарай: баялаг найрлагатай АНГИЖРУУЛАГЧ, маск ба ҮСНИЙ ТОС.Чийгшүүлэх давтамж нь үсний бүтэц, үс засалтаас хамаарна. Илүү нягт, чанга буржгар үс нь өдөр бүр чийгшүүлэх шаардлагатай байж магадгүй (энэ нь шампунийг хэтрүүлээрэй гэсэн үг биш, харин үс арчилгаандаа тос нэмээрэй); илүү хөнгөн, сул буржгар үстэй бол өнжөөд нэг эсвэл долоо хоногт хоёр удаа чийгшүүлнэ.
Үс самналтын талаар мартаж болохгүй
Үсийг самнахад хуруу бол мэдээж сайхан туслах, гэхдээ долгионтой үсэнд сам бол зайлшгүй хэрэгтэй хэрэгсэл юм. Ердийн самнаас ч илүү юу болохыг та мэдэх үү? Мэдээжийн хэрэг, хоёр талт сам! Аз болоход манайд Ийм байгаа. Өргөн, сийрэг шүдтэй тал нь үсийг зөөлөн задалж, бүтээгдэхүүнийг жигд тараахад тусалдаг бол нөгөө тал нь нарийн шүдтэй, үсийг янзалж, жигд болгодог. Буржгар үсэнд бол төгс тохирох загвар!
