Гоо сайхны топ 5 зөвлөгөө

Бид манай гоо сайхны редакторуудаас сонсож байсан хамгийн шилдэг гоо сайхны зөвлөгөөгөө бидэнтэй хуваалцахыг хүслээ.

ФАТИМА ДЭ ЛАЧИКА
Латин Америк
«Хэзээ ч орондоо нүүрний будагтайгаа бүү ороорой. Нүүрээ өглөө ба орой өдөрт хоёр удаа угаах маш чухал. Чи оройтож ирсэн, ядарсан, хурдан унтахыг хүсэж байсан ч нүүрээ заавал цэвэрлэ эсвэл угаа. Миний сонсож байсан хамгийн шилдэг зөвлөгөө бол орныхоо хажуугийн шүүгээн нүүр цэвэрлэгч нойтон цаас байлгаж яаралтай үед нүүрний будгаа арилгах эсвэл нүүрээ цэвэрлэх юм».

СОФИЯ МАРИНЬО ДЭ ЛЭМОС
Орифлэйм төв оффис, Стокгольм
«Үс бол эмэгтэй хүний хамгийн гол чимэг тул үргэлж үсээ арчилж байгаарай гэж ээж минь надад хэлдэг байсан. Энэ бол яахын аргагүй үнэн үг юм. Гялалзсан, гоёмсог үс арьстай л адил бидний эрүүл мэндийн тусгал юм. Миний арчилгаа дараах дүрмээс бүрддэг: салоноор тогтмол үйлчлүүлэх, өнгийг нь сэргээх ба долоо хоногт хамгийн багадаа нэг удаа маск тавих».

САНДРА МАРИЧ
Баруун Европ
«Хамгийн шилдэг зөвлөгөөг би нүүр хувиргагч танилаасаа сонсож байсан: сормуусаа дэрвийлгэхээс өмнө дэрвийлгэгчийг халуун сэнсээр хэдхэн секунд үлээлгээрэй. Энэ арга сормуусыг бүр ч их дэрвийлгээд зогсохгүй хэлбэрийг нь удаан хадгална».

ДЕВАНТИ СУБИЖАНТОРО
Индонез
«Нэг найз маань надад гоо сайхан харагдах жорыг зааж өгсөн юм: энэ бол аз жаргалтай мэдрэмж ба эрүүл арьс юм. Тэр үеэс хойш би арьсаа иж бүрэн арчилж аль болох инээмсэглэхийг хичээх болсон».

ДАМЛА АЙГЮН
Турк
«Миний эмээ төгс арьстай байсан. Би түүнээс нууцыг нь асуухад тэр надад ийнхүү хариулсан: нар бол амьдралын гайхамшиг ч арьсны хамгийн том дайсан юм. Түүнээс хойш би бүрхэг өдрүүдэд хүртэл дээд зэргийн хамгаалалттай нарны тос хэрэглэдэг болсон».




Зурвас: Зураг: Sanna Franklin