Стробинг: нүүрийг хэлбэржүүлэх шинэлэг арга

2014 онд эмэгтэй бүр гэрэл сүүдэр тавих аргачлалыг хэрэглэж байсан. Харин 2015 онд стробинг аргачлалын үе иржээ. Стробинг гэж юу болохыг мэдэхгүй байгаа бол манай нийтлэлийг уншиж хамгийн сүүлийн үеийн чиг хандлагын тухай мэдээлэл аваарай!

СТРОБИНГ ГЭЖ ЮУ ВЭ?

Товчхон тайлбарлая: гэрэл сүүдэр тавьж нүүрээ хэлбэржүүлэхдээ бид борлосон мэт харагдуулагч бүтээгдэхүүн ба зовхины будаг хэрэглэдэг бол, стробинг аргачлалд бид нүүрний тодорхой хэсгүүдийг гэрэлтүүлэх маягаар царайгаа хэлбэржүүлдэг. Стробингийн аргачлалд нүүрэнд бага зэрэг цайруулагч, гэрэл ойлгогч бүтээгдэхүүн түрхэж царайг гэрэлтсэн, тодруулах шаардлагатай хэсгүүдийг тодорсон харагдуулдаг. Энэ бол нүүр будалтын ертөнцийн хамгийн шинэлэг үг хэллэг юм.


ХЭРХЭН ХИЙХ ВЭ?
Стробинг аргачлал нь суралцахад хялбар байдлаараа маш онцгой юм. Эхлээд нүүрэндээ нүүрний будгийн чийгшүүлэгч суурь тос түрхэнэ. Сувдан/танан өнгийн гэрэлтүүлэгчээр нүүрний наранд илүү их борлодог хэсгүүдийг тодруулаарай: хөмсөг ба шанааны дагуу, хамрын нуруу, дээд уруулын дээрх хонхорхой ба эрүүний тодорч гарч ирэх хэсэг.

ЯМАР ГЭРЭЛТҮҮЛЭГЧ ХЭРЭГЛЭХ ВЭ?
Чамд гэрэлтүүлэхээс илүүтэйгээр гэрэл ойлгогч сувдан өнгийн гэрэлтүүлэгч хэрэгтэй – бидний хүсэж буй үр дүн дисконы гэрэлтсэн бөмбөлөг бус, эрүүл сэргэг төрхтэй арьстай харагдах юм. Хэрвээ чи цайвар арьстай бол ягаавтар өнгийн гэрэлтүүлэгч сонгоорой. Бараан/боровтор өнгийн арьсанд алтлаг туяатай бүтээгдэхүүнүүд илүү зохимжтой байдаг – чи Женифер Лопез эсвэл Жижи Хадидаас жишээ авч болно. Чиний арьс тослог бөгөөд чи гэрэлтүүлэгч бүтээгдэхүүн хэрэглэхээс зайлсхийдэг бол чамд арьсны нүх сүвийг бөглөдөггүй гэрэлтүүлэгч хуурай энгэсэг тусална.
Зурвас: Зураг: Shutterstock