ПРОБИОТИК
Бие махбодоо өвөлд бэлдэх шалгарсан аргуудын нэг бол хоол хүнснээс авах пробиотикийн хэмжээг нэмэгдүүлэх юм. Пробиотик гэдэг нь хоол боловсруулалтыг сайжруулагч, мөн гэдэсний эрүүл мэндийг хариуцагч бичил биетүүд юм. Гэдсэнд дархлааны системийн дийлэнх нь байдаг тул үйл ажиллагааг нь хөнгөвчлөх зөв бактерийг энд байлгах маш чухал. Пробиотик нь тараг, йогурт, дарсан байцаа гэх мэт маш олон хүнсэнд агуулагддаг.
ТЭНЦВЭРТЭЙ ХООЛЛОЛТ
Өвлийн хооллолтын онцлогод анхаарлаа хандуулаарай. Биед зайлшгүй хэрэгтэй хоол хүнстэй хамт хэрэглэдэг тэжээллэг бодисууд нь дархлааг сайжруулаад зогсохгүй биеийн ерөнхий эрүүл мэндэд ач тустай болохыг мэдээжийн хэрэг чи хэдийнээ мэддэг байх. Бие махбодоо аминдэм болон эрдэс бодисоор хангахын тулд бид чамд олон төрлийн ногоо болон жимс агуулсан дэглэм барихыг зөвлөж байна. Ногоо болоод жимсний хэр олон өнгөтэй байна тэр зэргээр ач тустай. Мөн уургийн эх үүсвэр болох дараах хүнсийг мартаж болохгүй: бүхэл үрийн бүтээгдэхүүн, самар ба үр. Бүгдийг нь тэнцвэржүүлсэн хэмжээнд хэрэглэх хэрэгтэй.
Зарим хоол хүнснээс зайлсхийх хэрэгтэйг бүү мартаарай. Боловсруулсан бүтээгдэхүүнээс татгалзаж, сахар болон давсны хэрэглээгээ хязгаарласнаар чи бие махбоддоо маш их ач тус үзүүлэх боломжтой.
ЭРҮҮЛ НОЙР
Чи амралтын өдрүүдэд унтах дуртай юу? Бид ч бас! Ялангуяа өвөл бүр ч их дуртай. Яагаад гэдгийг мэдэх үү? Яагаад гэвэл хангалттай унтаж чаддаггүй хүмүүс нойроо авч чаддаг хүмүүстэй харьцуулбал илүү их өвддөг байна. Хүн өдөрт хамгийн багадаа 8 цаг унтах хэрэгтэй. Энэ үед бие махбод нөхөн сэргэж өвчинтэй тэмцдэг. Тиймээс өглөө орноосоо босох гэж яарах хэрэггүй. Чи энэхүү ач тустай таашаалыг мэдрэх эрхтэй хүн.
ХАНГАЛТТАЙ ХЭМЖЭЭНИЙ ШИНГЭН УУХ
Зуны халуун өдрүүд биеийнхээ шингэний түвшинг шаардлагатай хэмжээнд байлгах хялбар байдаг: бидний бие өөрөө уух хүслээ илэрхийлдэг. Харин агаарын хэм буурахад бид илүү бага уудаг ч бие махбодын шингэний хэрэгцээ хэвээр байдаг. Ус – энэ бол дархлааны системийн гол эс болох лимфоцитыг агуулдаг тунгалгын үндсэн орц юм. Ус эрүүл мэндийн үндэс тул ус уухаа хэзээ ч бүү мартаарай!
АМИНДЭМҮҮД
Бид эрүүл зөв хооллолтын хүрээнд аминдэмийн тухай ярьж дархлаанд хичнээн чухал үүрэг гүйцэтгэдэг болохыг сануулсан. Ялангуяа үүнд С ба D аминдэмүүд чухал үүрэгтэй. С аминдэм нь чөлөөт радикалуудтай тэмцэж эд эсийг хамгаалагч антиоксидант юм. D аминдэм нь Т-эсүүд буюу T-лимфоцитийг идэвхжүүлдэг. Эдгээр эсүүд нь үрэвсэлтэй тэмцэх үүрэгтэй. Тэгэхээр энэхүү хоёр аминдэм нь бидний эрүүл мэндэд амин чухал үүрэгтэй юм. С аминдэм нь жимс болон ногоонд агуулагддаг бол D аминдэмийг бие махбод нарны туяанд гармагц боловруулж эхэлдэг. Гэвч ихэнх хүмүүст эдгээр аминдэмийн дутагдалд ордог тул аминдэмийн иж бүрдлийг, нэн ялангуяа өвлийн улиралд заавал хэрэглэх хэрэгтэй!
Эмэгтэйчүүдийн «Вэлнэс Пэк» ба Эрчүүдийн «Вэлнэс Пэк» аминдэмийн иж бүрдлийн тусламжтай бие махбодоо өвлийн улиралд бэлдээрэй.
