Яагаад байгалийн чулуу бүр өөрийн гэсэн онцлогтой байдаг вэ?

Norrsken-н үнэт эдлэл бүр дахин давтагдашгүй, учир нь байгалийн чулуу болгон өөрийнхөөрөө өвөрмөц байдаг шүү дээ. Мянга мянган төрлийн эрдэс чулуулаг байдаг бөгөөд тус бүр өөр өөрийн онцлог шинж чанартай байдаг. Нэг ч чулуу нөгөөтэй адилгүй бөгөөд энэ бол тэдний үнэ цэнэ нь юм. Байгалийн чулуунуудын гайхамшигтай шинж чанарууд нь үнэт эдлэл бүрийг сахиус болгодог бөгөөд эрдэс чулуулгын өвөрмөц өнгө нь таны хувийн онцлогийг илүү тодотгож өгдөг

Эрдэс чулуулаг гэж юу вэ?

Хэд хэдэн элементийн нэгдлээс тогтсон байгалийн хатуулаг биетийг эрдэс гэдэг. Бүх л байгалийн чулуу нь - дэлхийн жинхэнэ түүх юм. Эдгээр чулуунууд нь манай гаригийн эртний өнгөрсөн үеийг агуулдаг бөгөөд өөртөө тоо тоймшгүй олон нууцыг хадгалдаг. Харин бид үүнийг нээх л үлдэж байна. Хүн төрөлхтөн эрдэс чулуулгын нууцлаг хүч чадалд хэзээ ч эргэлзэж байгаагүй, үргэлж итгэсээр ирсэн. Чулуу нь бие биенээсээ химийн нэгдэл (нэг эсвэл хэд хэдэн элемент агуулж болно), бүтэц (мөхлөгт, талст), нягтрал (давхарга, сүвэрхэг, цул), өнгө, тунгалаг байдал, хувийн жин, хатуулаг болон бусад хэд хэдэн үзүүлэлтээр ялгаатай байдаг.

Байгальд чулуу хэрхэн үүсдэг вэ?

Энэ бол урт хугацааны маш хүнд процесс юм. Нэгэн цагт чулуу нь тус тусдаа тарсан химийн элемент, илүү энгийн эрдсийн хольц, жишээлбэл хясаа, далайн амьтдын организм байсан байж болно. Чулуу нь халуун хайлмал магмаас үүсэж, аажим хөрж талсжиж болно, мөн газрын гадаргуу дээр ил эсвэл маш бага гүнд, өгөршлийн үр дүнд үүссэн чулуулгийн хэмхдэсүүд, эсвэл төрөл бүрийн органик материал болон химийн тунадасжилтаар үүссэн тунадас нягтран, барьцалдах үйл явцын үр дүнд үүснэ. Зарим чулуулаг нь эртний ургамал, амьтны гаралтай материалын хуримтлал цаг хугацааны эрхээр хатуужиж, эсвэл бүр сансар огторгуйгаас дэлхий дээр солирын хэлтэрхий унах замаар үүсэж болдог байна.

 

 

Аметист

Ягаан болор буюу аметист нь эзэндээ тайван байдал ба саруул ухааныг авчирдаг гэлцдэг. Энэхүү гайхалтай чулуу нь сөрөг сэтгэл хөдлөлийг тайлахад тусалдаг гэж мөн үздэг байна. Тансаг байдаг ба амжилтын чулуу болох аметист нь бизнесийн ажилд аз авчирч, эд баялаг, аз жаргалыг нэмэгдүүлдэг.

 

Ногоон авантюрин

Хром агуулсан фуксит нь чулууг мөнгөлөг ногоон эсвэл мөнгөлөг цэнхэр өнгийн гялалзсан туяатай болгож харагдуулдаг бөгөөд өнгөний энэхүү хэлбэлзэл нь түүний олборлосон газар, эрдсийн гарал үүслээс хамаарч харилцан адилгүй байдаг байна. Авантюрин чулууны бүтэц, өнгө, гялбаа нь түүний хиймийн нэгдлийн хольц, хэмжээ зэргээс хамаарч өөр өөр байдаг. Энэ бол ховорт тооцогддог эрдэс бөгөөд аз, хайрын чулуу юм. Урам зориг өгч амжилтанд хүрэхэд итгэмжит туслах болох эрч хүчтэй сахиус.

 

Лабрадорит 

Энэхүү чулуулаг нь солонгорон туяардаг ховор шинж чанартай бөгөөд нялцгай биетний хясааны дотор талын сувдан гялбааг санагдуулдаг. Өөрчлөлт ба хүч чадлын чулуу юм. Лабрадорит нь умард зүгийн зарим ард түмний дунд ариун чулуу гэж тооцогддог байсан бөгөөд хойд туйлын гэрлийг агуулдаг гэж тэд үздэг байв.

 

Анар 

Анар бол ганц чулуу биш, харин бүхэл бүтэн эрдсийн нэгдэл юм. Алмандин анарны гүн улаан дарсны өнгө нь төмөр ба хром агуулж байгааг илтгэнэ. Анар нь мөн ондоо өнгөтэй ч байдаг: чидун ногооноос маргад ногоон, улбар шараас хүрэн улбар шар гэх мэт. Анар нь гэрэлтүүлгийн нөхцлөөс хамаарч, өнгө нь олон янзаар хувирч харагдах боломжтой бөгөөд энэ нь түүний нууцлаг хүч чадлыг бүр ч илүү тодотгодог. Галын цогийг санагдуулам нууцлаг чулуу нь тод, хүчирхэг зан төлөвтэй эмэгтэйчүүдэд эрч хүч, сэтгэл татам байдлыг бэлэглэдэг. Гал халуун хүсэл эрмэлзлээр дүүрэн энэхүү эрдэс нь амьдралын баяр баясгалан ба мохошгүй эрч хүчийг мэдрүүлдэг.

 

Ягаан кварц 

Кварц чулууны зөөлөн ягаан өнгө нь бага зэргийн титан агуулдагтай холбоотой. Энэ чулуу нь астеризмын нөлөө буюу нэг өнгөнөөс нөгөө рүү солонгорон гүйх адил гэрлийн, оддын нөлөөтэй. Энэ нөлөө нь өнгөлгөөтэй гадаргуу дээр сайн гэрэлтүүлэгтэй орчинд илүү тод илэрдэг. Зөөлөн ягаан эрдэс нь эмзэг зөөлөн сэтгэл, романтик байдал, хайр дурлалыг илэрхийлдэг.

 

Барын нүд
Гайхамшигтай төсөө: хувны уусгалттай ааглаг шанцайн өнгөтэй барын нүд чулуугаар чимсэн гоёмсог унжлага нь царс модны жинхэнэ боргоцой шиг харагдана. Намрын улиралд нарны туяа царс модны алтан навчинд тусах адил ойж гэрэлтэнэ.

 

Хүйтэн Топаз 
Урам зориг ба бүтээлч эрч хүчийг сэргээдэг.
Металлын гялтганасан туяа, тансаг паалангийн зөөлөнхэв маяг, гялалзсан талст ба байгалийн хөх топаз бол хойд туйлын тэнгэрийн тусгал адил юм.

 

Гематит бол ариун толин тусгал бүхий эрдэс чулуу юм; эртний эрин үед үнэт эдлэлийн урлагт маш их алдартай байсан.

Хээнцэр зүсэлттэй толин хар өнгийн гематит чулуутай ер бусын сонгодог загвартай цуглуулга. Дусал хэлбэртэй гематит ба өнгөгүй талст шигтгээнүүд төгс зохицлыг бүтээнэ.

 

Обсидиан

Түнэр харанхуй ба гэрэл хоёр ээлжлэн солигдох үед, цасан шуурга ба оддын шуурга хоорондоо маргах мөчид, дуусашгүй онгод энд л төрдөг. Гайхамшигтай цуглуулгад алтан металл болон талстаар хүрээлэгдсэн обсидиан бөмбөрцгүүд багтжээ.

 

ХАР ШПИНЕЛ нь дотоод соронзон хүчийг ихэсгэж, урам зоригийг өдөөдөг гэж үздэг

Урт бөөгнөрөлд цуглуулсан талст-шигтгээнүүд нь Шведийн зэрлэг жимстэй тун төстэй харагдана. Хонхорцог бүр дээр шпинел оруулга хийж өгчээ.

 

ХӨХ ГАРТААМ

Од эрхсийн гэрэлт цагирагт хүйтэн өнгөнүүдийг төгс хослуулж, хөх гартаам чулууг хамгийн тод од олгон урлажээ. Шведийн шөнийн тэнгэрт түгэх умардын туйлын туяаг тусгасан цуглуулга юм.

 

Цитрин
Нар жаргах мөчийн хүйтэн манан дунд алтан нарны гэрэл уусан хайлах адил. Хүрэн улаан туяа дуусаж буй өдрийн сүүлчийн мөчид тэнгэрийн хаяаг дулаацуулна.