«Байгалийн Тэнцвэр» коктэйл

«Байгалийн тэнцвэр» коктэйл ямар ач тустай вэ?

«Байгалийн тэнцвэр» коктэйлийг хэрэглэх нь жин хаях ба бие махбодыг тэжээллэг эрдэс бодисоор хангах шилдэг арга юм. Тус коктэйл нь бага гликемик индекстэй тул өлсөх, амттан идэх мэдрэмжийг бууруулна, бие махбодыг эрч хүчээр цэнэглэнэ ба анхаарал төвлөрлийг сайжруулна.

«Байгалийн тэнцвэр» коктэйлийг яагаад уух хэрэгтэй вэ?

«Байгалийн тэнцвэр» коктэйл нь анхлан эрхтэн шилжүүлэн суулгах мэс засалд орох өвчтөнүүдэд зориулагдсан байсан тул түүний найрлага нь бие махбодыг шаардлагатай шим тэжээлээр хангахаар боловсруулагдсан байсан. Коктэйл нь хүний бие махбодод зайлшгүй шаардлагатай хэмжээний уураг, амин хүчлүүд, Омега-3 тосны хүчлүүд, бага гликемик индекс бүхий нүүрс ус ба эслэг эд агуулдаг. Тэжээллэг бодисуудыг тэнцвэрт хэмжээнд агуулсан, байгалийн гаралтай ба илчлэг багатай «Байгалийн тэнцвэр» коктэйл нь хоол тэжээлийн хосгүй бүтээгдэхүүн юм. Тэрээр цадах мэдрэмжийг түргэн хугацаанд төрүүлж, бие махбодыг эрч хүч ба тэжээллэг бодисоор цэнэглэнэ. Нэг порц коктэйлийн илчлэг чанар ердөө л 65 ккал юм.

Коктэйлийн бүх тэжээллэг орцууд нь байгалийн гаралтай тул (хиймлээр нэгтгэсэн эсвэл гидролиз амин хүчлүүдээс бүрдсэн) «Байгалийн тэнцвэр» коктэйлийг та өөрийн хүссэн, шаардлагатай байгаа хугацааны туршид хэрэглэж болно. Боловсруулалтын явцад нь оролцсон эрдэм шинжилгээний ажилтнууд жин хасах зорилгогүй байсан ч коктэйлийг өдөр бүр хэрэглэсэн.

Та өлссөн, ядарсан, ажлын цаг дуусаагүй байхад эсвэл дасгал хийхээс өмнө эрч хүчгүй болсон бол энэ үед коктэйл шилдэг шийдэл болно. Коктэйл нь амархан боловсорч цадсан мэдрэмж төрүүлдэг тул эрүүл, илчлэг багатай зууш юм.

«Байгалийн тэнцвэр» коктэйлийн найрлагад ямар орцууд ордог вэ?

«Байгалийн тэнцвэр» коктэйлийн найрлагад маш нарийн судалгаа шинжилгээний үр дүнд сонгогдсон дараах орцууд ордог: ногоон вандуй, Омега-3 тослог хүчлүүдийг шаардлагатай хэмжээнд агуулсан өндөг (маалингын үр бүхий тэжээл идсэн тахианы өндөг), өндөгний альбумин, шар сүүний уураг (сүү), алим, нохойн хошуу ба эслэг эд (чихрийн манжин). Эдгээр орцууд нь бүгд байгалийн гаралтай ба уураг, тос, удаан шингэцтэй нүүрс усны хэмжээг нь маш нарийн тооцоолсны үндсэн дээр хамгийн оновчтой хэмжээнд байдаг. «Байгалийн тэнцвэр» коктэйл нь бие махбодод зайлшгүй шаардлагатай уураг, амин хүчлүүд, эрүүл мэндэд ач тустай тосон хүчлүүдийг агуулдаг. Коктэйлийн найрлагад ханасан тос ба бие махбодод ашиг тусгүй ханасан тосон хүчлүүд ороогүй. «Байгалийн тэнцвэр» коктэйлийн найрлагад орсон алим ба нохойн хошуунаас гаргаж авсан нүүрс ус нь удаан шингэцтэй тул цусан дахь сахарын хэмжээг огцом өсөхөөс сэргийлнэ. Нохойн хошуу ба алим нь аминдэмүүдээр, ялангуяа хүчирхэг антиоксидант болох С аминдэмээр баялаг юм. Мөн коктэйлийн найрлагад зүрх судасны эрүүл мэнд ба хоол боловсруулалтын системийн хэвийн үйл ажиллагаанд зайлшгүй шаардлагатай уусдаг ба уусдаггүй эслэг эд орсон. Коктэйлийг ягаан өнгөтэй болгохын тулд будагч бодисын оронд хүрэн манжингийн ханд хэрэглэсэн. Харин амт оруулагчийн оронд илчлэг агуулаагүй сукралоз орсон.

«Байгалийн тэнцвэр» коктэйлд клиник судалгаа хийгдсэн үү?

2000 оноос эхлээд судалгаа шинжилгээ Швед улсын Лунд хотын их сургуулийн зүрхний мэс заслын тасагт хийгдэж байна. Судалгааны явцад гликемик индекс ба инсулины хариу үйлдлийг хянахын зэрэгцээ бүтээгдэхүүний бусад шинж чанаруудыг нь ч мөн судалсан юм. Мөн бие махбодод маш олон эерэг нөлөө үзүүлдэг болохыг нь тэмдэглэж баримтжуулсан юм. Жишээ нь, цусан дахь сахарын хэмжээ ба даралтыг бууруулах, бие махбодын тосны солилцоог сайжруулах, жин бууруулах ба биеийн тойргийн хэмжээг багасгах. Швед улсын Еслев хотын сурагчдын оролцсон сорил нь коктэйл нь анхаарал төвлөрлийг сайжруулдаг болохыг баталсан. Хоёр жил үргэлжилсэн урт хугацаанд жин хянах судалгааны туршид «Байгалийн тэнцвэр» коктэйл хэрэглэсэн хүмүүсийн жин мэдэгдэхүйц багасаж, эрүүл мэндийн байдал нь сайжирсан ба илүү эрч хүчтэй болсон байна. 24 сард дунджаар 13,6 кг жин хаяжээ.

Гликемик индекс (ГИ) гэж юу вэ, «Байгалийн тэнцвэр» коктэйлийн ГИ нь ямар вэ?

Гликемик индекс – энэ бол хүнсний бүтээгдэхүүнүүдийг цусанд дахь сахарт үзүүлэх нөлөөллөөр нь ангилах арга юм. Өөрөөр хэлбэл, аливаа хүнсийг хэрэглэсний дараа цусан дахь сахарын хэмжээ ихэсдэг ба ГИ нь тухайн хүнсний бүтээгдэхүүний сахарын хэмжээнд хэрхэн нөлөөлөхийг заадаг. Түргэн шингэдэг нүүрс ус агуулсан бүтээгдэхүүнүүд (жишээ нь, чихэрлэг хийжүүлсэн ундаа) нь өндөр ГИ-тэй байдаг тул нойр булчирхай хормын дотор инсулин боловсруулж улмаар цусан дахь сахарын хэмжээг огцом өсдөг. Харин удаан шингэцтэй нүүрс ус агуулсан бүтээгдэхүүнүүд (жишээ нь, ногоо ба бүхэл үрийн талх) нь бага ГИ-тэй байдаг. Эдгээр бүтээгдэхүүнүүдийг боловсруулахад бие махбодод илүү их хугацаа шаардлагатай байдаг тул цусанд дахь сахарын хэмжээ огцом өсдөггүй байна. 55-с доош ГИ-г бага гэж үздэг.

Өмнө нь ГИ ангиллыг чихрийн шижинтэй өвчтөнүүдэд хоол хүнсээ зөв сонгоход нь туслах зорилгоор хэрэглэдэг байсан. Хоол хүнсэнд хир бага ГИ байна тэр хэмжээгээр цусан дахь сахарын хэмжээ тогтвортой байна. Үүнийг зөвхөн чихрийн шижинтэй хүмүүс бус, эрүүл мэнддээ анхаарч буй хүн бүр мэдэх хэрэгтэй. Сидней-ийн их сургуульд сорилд хамрагдсан «Байгалийн тэнцвэр» коктэйлийн гликемик индекс нь 28 юм.

«Байгалийн тэнцвэр» коктэйлийн бүх орцууд нь байгалийн гаралтай юу?

Коктэйлийн найрлагад байгалийн гаралтай орцууд ба ванил болон гүзээлзгэнэ гэх мэт амт оруулагчид орсон. Хиймэл амт оруулагч болох сукралоз нь бүтээгдэхүүний найрлагад маш бага хэмжээнд (0,8%) агуулагддаг.

«Байгалийн тэнцвэр» коктэйл хоол идэх дуршилд хэрхэн нөлөөлдөг вэ?

Ерөнхий ажиглалт ба хувийн дүгнэлтээс харвал «Байгалийн тэнцвэр» коктэйлийг хоол идэхээс 30 минутын өмнө хэргэлэх нь хоол идэх дуршлыг бууруулдаг байна. Түүнээс гадна цусан дахь сахарын хэмжээ тогтворжсоноор өлсөх мэдрэмж буурдаг тул хоол хоорондын үед хоолны дуршлаа хянахад тусалдаг.

«Байгалийн тэнцвэр» коктэйл нь жин хаяахад тусалдаг уу?

Судалгаанаас харвал «Байгалийн тэнцвэр» коктэйлийг зөв хооллолт ба дасгалтай хослуулан хэрэглэсэн хүмүүс жингээ мэдэгдэхүйц бууруулж чадсан байна. Коктэйлийн тогтмол хэрэглээ нь юуны түрүүнд инсулин ялгаралтыг бууруулдаг тул жин хаяхад хүргэдэг. Инсулин нь жин нэмэх хандлагатай хүмүүст илүүдэл жин хуримтлуулагч анаболик даавар юм.

Коктэйл ба зөв хоололтын тусламжтайгаар тус дааврыг хэвийн хэмжээнд байлгаснаар жин буурдаг. «Байгалийн тэнцвэр» коктэйлийн жин бууруулах үндсэн механизм нь энэ юм. Түүнээс гадна коктэйлийн ач тусыг бие дээрээ үзсэн хүмүүс коктэйл нь тэдэнд хоолны порц ба илчлэг чанарыг багасгахад тусалсныг онцолжээ.

Хэрвээ та жин хаяхыг хүсэж байвал бид танд «Байгалийн тэнцвэр» коктэйлийг дараах системээр хэрэглэхийг зөвлөж байна:

1) үндсэн хоол идэхээс өмнө нэг порц коктэйл уух (өлсөх мэдрэмжийг багасгаж хэтрүүлж идэхээс сэргийлнэ);

2) өлссөн үедээ зуушны оронд нэг порц котэйл уух (илүү илчлэг ихтэй ба ач тусгүй зүйл идэхээс сэргийлнэ). Зүй ёсны жин хаях хөтөлбөрийн™ тухай илүү дэлгэрэнгүй мэдээллийг 22-27 хуудаснаас харна уу.

«Байгалийн тэнцвэр» коктэйлийг урт хугацаанд хэрэглэх нь аюултай юу?

Ямар ч аюулгүй. Хооллолтоо тэнцвэржүүлэхийн тулд та хүнсэндээ «Байгалийн тэнцвэр» коктэйлийг насан туршдаа хэрэглэж болно.

«Байгалийн тэнцвэр» коктэйлийг харшилтай хүн хэрэглэж болох уу?

Та коктэйлийн найрлагад орсон аль нэг орцын харшилтай бол «Байгалийн тэнцвэр» коктэйлийг хэрэглэхээс өмнө заавал эмчээс зөвлөгөө аваарай. Коктэйл нь глютэн огт агуулдаггүй, мөн лактозыг байж болох бага хэмжээнд агуулдаг тул сүүний уурагт харшилтай хүн хэрэглэж болно. Байгалийн гаралтай гүзээлзгэнийн амт оруулагч нь харшил үүсгэхгүй.

«Байгалийн тэнцвэр» коктэйлийн хэрэглээ даралтад нөлөөлдөг үү?

Үгүй, коктэйл даралтад ямар ч нөлөө үзүүлэхгүй.

«Байгалийн тэнцвэр» коктэйл нь чихрийн шижин өвчтэй хүмүүст тохиромжтой юу?

Коктэйл нь бага гликемик индекс (ГИ=28) агуулдаг нь судалгаагаар батлагдсан ба цусан дахь сахарын хэмжээг бага түвшинд байлгадаг тул чихрийн шижин өвчтэй хүмүүст тохиромжтой. Нэг порц нь ердөө л 6 г нүүрс ус, түүнээс 3,5 г моносахарид хэлбэрээр байдаг. Хэрвээ та чихрийн шижин өвчтэй ба инсулин ба/эсвэл өөр эм уудаг бол коктэйлийг хэрэглэхээс өмнө эмчээсээ зөвлөгөө аваарай.

Коктэйлийг урьдчилан бэлдээд хажуудаа авч явж ууж болох уу?

Бид танд коктэйлийг аль болох нунтаг хэлбэрээр устай хамт авч явж уухаасаа өмнө найруулахыг зөвлөж байна. Гэхдээ коктэйлийг урьдчилан бэлдээд хүйтэн орчинд өдрийн туршид хадгалж болно. Харин коктэйл нь бэлдсэнээс хойш 10 минутын дараа тунадас үүсэн ялгардаг тул уухаасаа өмнө заавал сэгсрээрэй. 24 цагаас дээш хугацааны өмнө найруулсан коктэйлийг, ялангуяа өрөөний хэмд хадгалсан бол хэрэглэж болохгүй.

«Байгалийн тэнцвэр» коктэйлийг хэдэн настайгаас хэрэглэж болох вэ?

1.5 наснаас хойш хүнийхээ сүүнээс гарсан хүн бүр хэрэглэх боломжтой.

«Байгалийн тэнцвэр» коктэйл нь амт оруулагч бодис агуулдаг уу?

Коктэйлд таатай амт оруулж, нүүрс усны агууламжийг бага хэмжээнд байлгахын тулд найрлагад нь өнөөгийн байдлаар хамгийн чанартай, ЕХ-ны сайшаасан амт оруулагч болох сукралоз агуулагддаг. Сукралоз нь цусан дахь сахарын хэмжээг огцом нэмэгдүүлдэггүй.

Сукралозыг элсэн чихрээс гаргаж авдаг ба тэрээр элсэн чихрээс 600 дахин илүү чихэрлэг байдаг. Энэ л шалтгаанаар тус орц нь коктэйлийн найрлагад байж болох хамгийн бага хэмжээнд агуулагддаг (0,8%) ба коктэйлийн найрлагын жагсаалтад хамгийн сүүлд жагсдаг юм.

Сукралоз нь Европын Хүнсний бүтээгдэхүүн судлах эрдэм шинжилгээний хорооны (SCF) туршилтад 1987, 1988, 1989, 2000 онуудад хамрагджээ. Туршилтын үр дүнд хүн өдөрт жингийнхээ 1 кг тутамд 15 мг хүртэл амт оруулагч хэрэглэж болох нь тогтоогджээ . Энэ нь 70кг дундаж жинтэй хүн «Байгалийн тэнцвэр» коктэйлийн 8 порц-д агуулагдах сукралозын хэмжээг хэрэглэж болно гэсэн үг юм.

«Байгалийн тэнцвэр» коктэйл нь сахар агуулдаг уу?

«Байгалийн тэнцвэр» коктэйлийн найрлага нь түүний байгалийн гаралтай орцуудын найрлагад орсон байгалийн гаралтай сахарид болон нүүрс уснаас өөр сахар агуулдаггүй. Таатай амт оруулж гликемик индексийн хэмжээг нь бууруулахын тулд түүний найрлага нь маш бага хэмжээгээр ашиглагддаг сукралоз агуулдаг.

«Байгалийн тэнцвэр» коктэйлийг уснаас өөр шингэн зүйлээр найруулж болох уу?

Та коктэйлийг сүү, шүүс, тараг, буурцгийн сүү гэх мэт хүйтэн зүйлээр найруулж болно. Ямар зүйлээр найруулах нь таны хувийн сонголт, мөн бие махбодын тань эрч хүчийн хэрэгцээнээс шалтгаална. Уснаас өөр зүйлээр найруулсан нөхцөлд коктэйлийн илчлэг чанар болон гликемик индекс нэмэгдэхийг анхаарна уу.

«Байгалийн тэнцвэр» коктэйлийг жирэмсэн ба хөхүүл эмэгтэйчүүд хэрэглэж болох уу?

Жирэмсэн эсвэл жирэмслэхээр төлөвлөж буй, мөн хөхүүл ээжүүд коктэйлийг хэрэглэхээс өмнө эмчээс зөвлөгөө авах хэрэгтэй.

«Байгалийн тэнцвэр» коктэйл ууж байгаа тохиолдолд аминдэм, эрдэс бодисуудыг уух хэрэгтэй юу?

«Байгалийн тэнцвэр» коктэйл нь аминдэм, эрдэс бодисуудын иж бүрдэл гэхээс илүүтэйгээр энгийн тэжээллэг хоол хүнсний холимог юм. Хэрвээ та өдөрт 0,5-1 кг шинэхэн ногоо, жимс иддэг бол нэмэлтээр аминдэм ба эрдэс бодисууд уух шаардлагагүй.

Хэрэв энэ хэмжээний жимс, ногоо иддэггүй бол «Вэлнэс Пэк» гэх мэт аминдэм, эрдэс бодисуудыг хэрэглэхийг бид танд зөвлөж байна. Харвардын их сургуулийн профессор Уиллетын үзэж байгаагаар ихэнх хүмүүс D, B6, B12 ба фолийн хүчлийн дутагдалтай байдаг. Эрүүл зөв хооллолтын салбарын түүний мэргэжил нэгтнүүдтэй адил тэр ч бас урьдчилан сэргийлэх зорилгоор поли аминдэмүүдийг өдөр бүр хэрэглэхийг зөвлөдөг.