Нийтлэг асуултууд

Зарчмын хувьд усыг өдрийн ямар ч цагт ууж болох ч, хэрвээ та зүрх судасны өвчтэй эсвэл хавагнадаг бол шөнө унтахаас хамгийн багадаа 2 цагийн өмнө ус уух хэрэгтэй. Мөн давсны хэрэглээг ч хязгаарлах хэрэгтэй, учир нь давс усыг биед хурумтлуулж улмаар хавагнуулдаг. 

ГИ нь тухайн бүтээгдэхүүнийг болгох явцад бий болсон бүтцийн задралаас дийлэнхдээ шалтгаалдаг. Жишээ нь, үр тарианы ГИ чанах эсвэл жигнэхээс үл хамаарч өөрчлөгддөггүй бол ногоог жигнэсэн нөхцөлд ГИ нь үнэхээр бага байдаг. Ногоог болгоход бүтэц нь задралд орсноор нүүрс усны шингэц нь илүү түргэн болдог ба үүний үр дүнд ГИ нь илүү өндөр болдог юм. 

Уураг нь тэнцвэржүүлсэн хооллолт ба бодисын солилцооны нэг хэсэг тул жин хаях процессод чухал үүрэг гүйцэтгэдэг. Өөрөөр хэлбэл, уураг хоол хүнстэй бидний биед орсон ч хуримтлагддаггүй бүрэн боловсордог. Харин уураг боловсрох ба шингэх процессод их хэмжээний эрч хүч шаардагддаг ба энэ эрч хүчийг бие махбод арьсан доорх өөх тосноос авдаг. Харин ингэхдээ хоол хүнснээсээ түргэн шингэцтэй нүүр усыг хасах хэрэгтэйг анхаараарай, эс тэгвээс бие махбод өөх тосноосоо эрч хүч авахын оронд нүүрс уснаас авч үр дүнд нь жин хасагдахгүй болно. Турах процесс гэдэг нь тэнцвэржүүлсэн хооллолт, дасгал хөдөлгөөн ба илчлэг шатаалт, мөн эерэг сэтгэлгээ, урам зоригийн нийлбэр болохыг бүү мартаарай. 

Тамхи татахад амт мэдрэх мэдрэмж буурдаг. Харин тамхи татахаа болихоор тус мэдрэмж нэмэгдэж үйл ажиллагаа нь хэвийн болж амт мэдэрч эхэлдэг. Хоолны амт сайхан санагдаж тамхи татах хүслийг орлодог.

Бас нэгэн шалтгаан бол никотины бодисын солилцоог түргэсгэх шинж чанар юм. Тамхи татдаг хүмүүс татдаггүй хүмүүсээс илүү их илчлэг хэрэглэдэг. Харин тамхи татахаа болимогц бие махбод дассан хэмжээний эрч хүч болон илчлэгээ авахаа больж стресст орж хоол хүнсээ “нөөцөлж эхэлдэг”. Түүнээс гадна сэтгэл зүйн хувьд хоолноос хамааралтай хүмүүс энэхүү хамаарлаа тамхиар орлуулах тохиолдол түгээмэл байдаг. Үүний улмаас тамхинаас татгалзсаны дараа жин нэмдэг. 

Тэгэхээр тамхинаас гарахдаа яаж жин нэмэхгүй байх вэ? Юуны түрүүнд та үнэхээр тамхинаас татгалзах чин хүсэлтэй байгаа эсэхээ маш хатуу ойлгох хэрэгтэй. Аминдэм, эрдэс бодис болон антиоксидантаар баялаг тэнцвэржүүлсэн хооллолт үүнд танд тусална. Хэрвээ та сэтгэл зүйгээрээ тамхинаас хамааралтай бол зуушны хувьд жижиглэн хэрчсэн ногоо болон жимс хэрэглээрэй (лууван, алим, цоохор майлз гэх мэт). Мөн цэвэр агаарт алхах, биеийн тамирын дасгал хийх (сэлэх, гүйх, фитнес, цэвэр агаарт тоглох), хангалттай унтах ба мэдээж найз нөхөд, ойр дотнын хүмүүсийн дэмжлэг, өөрийн гаргасан шийдвэртээ үнэнч байх маш чухал үүрэг гүйцэтгэнэ. 

Таны бие махбодод шаардлагатай уургийн хэмжээг хамгийн оновчтой тогтоохын тулд таны бодисын солилцооны үзүүлэлтийг харах хэрэгтэй. Дунджаар тооцоолбол биеийн жингийн 1 кг тутамд 1 г уураг хэрэгтэй байдаг (үүнд таны биеийн жин өндөр, нас гэх мэт хүчин зүйлсээс хамаарч хэмжээндээ байх ёстой). Үүний зэрэгцээ таны хэрэглэх уургийн 30% нь байгалийн гаралтай байх ёстой.