• 1Танилцуулга

  Oriflame компани нь гоо сайхны бүтээгдэхүүнийхээ ноцтой гаж нөлөөний талаарх мэдээллийг цуглуулж, холбогдох талуудад мэдээлэх үүрэгтэй. Ноцтой гаж нөлөөний талаарх мэдээллийг бусдад хүргэж хуваалцах нь гоо сайхны бүтээгдэхүүнүүдийг илүү аюулгүй болгох, олон нийтийн эрүүл мэндийг хамгаалахад чухал үүрэгтэй байдаг.

  Энэхүү Нууцлалын Мэдэгдэлд таны ирүүлсэн Гаж нөлөөний талаарх мэдээллийг хүлээж авсны дараа таны хувийн мэдээллийг хэрхэн цуглуулж ашигладаг талаар тайлбарласан болно. Бид таны хувийн мэдээллийг цаг ямагт хамгаалахыг эрмэлзэж хүчин төгөлдөр мөрдөгдөж буй Өгөгдөл хамгаалах/Хувийн мэдээлэл хамгаалах тухай хуулийг бүрэн мөрддөг.

  Энэхүү Нууцлалын мэдэгдлийг дараах хүмүүст хандаж гаргасан болно:

  • Манай бүтээгдэхүүнтэй холбоотой сөрөг үйл явдлыг мэдээлж буй, манай бүтээгдэхүүний талаар аюулгүй байдлын мэдээлэл өгч буй, эмнэлзүйн мэдээлэл хүсэж буй, эсвэл бүтээгдэхүүний чанартай холбоотой гомдол гаргаж буй хувь хүмүүс;
  • Сөрөг үйл явдалтай тулгарсан, эмнэлзүйн мэдээлэлтэй холбоотой асуулт асуусан, эсвэл бүтээгдэхүүний чанарын тухай гомдол гаргасан хувь хүн.

  Энэхүү мэдэгдэлд “Та” ба “Таны” гэдэг нь Oriflame-ийн бүтээгдэхүүн хэрэглэж байсан бөгөөд тухайн бүтээгдэхүүнтэй холбоотой гаж нөлөөний тухай (Гаж нөлөөний мэдэгдэл) мэдээлэл ирүүлсэн хэрэглэгчийг хэлнэ."

  Хувийн мэдээлэл эсвэл Хувийн өгөгдөл:

  Хувийн мэдээлэл эсвэл Хувийн өгөдөл гэж тухайн мэдээллээс шууд болон шууд бусаар таньж болох хүний талаархи аливаа мэдээллийг хэлнэ.

• 2Бид хэн бэ?

  Бид бол Oriflame Судалгаа ба Хөгжүүлэлт хариуцсан байгууллага (цаашид Oriflame, бид, бидний гэнэ) бөгөөд  “өгөгдөл хянагч”-ийн үүргийг гүйцэтгэдэг. Өөрөөр хэлбэл бид энэхүү Нууцлалын мэдэгдэлд тайлбарласан зорилгоор таны хувийн мэдээллийг хэрхэн ба яагаад боловсруулах шийдвэрийг гаргагч  этгээд юм.

  Манай байгууллага дараах хаягт албан ёсоор бүртгэлтэй: 1 Stokes Place, St. Stephen's Green, Dublin 2, D02 DE03.

• 3Өгөгдөл цуглуулах

  Та гаж нөлөөний мэдэгдлийг ирүүлэх үед, эсвэл таны өмнөөс хэн нэгэн (жишээлбэл, танд Oriflame-ийн бүтээгдэхүүн борлуулсан Брэнд Түнш) мэдэгдэл ирүүлсэн тохиолдолд таны хувийн мэдээллийг шууд танаас эсвэл мэдэгдлийг ирүүлсэн хүнээс цуглуулдаг. Бидний цуглуулдаг мэдээллийн төрөлд дараах багтана:

  • Холбоо барих мэдээлэл: Хаяг, цахим шуудангийн хаяг, утасны дугаар
  • Тодорхойлох мэдээлэл: Нэр, төрсөн он, хүйс, арьсны төрөл
  • Нууцлал шаардах эмзэг мэдээлэл: Эрүүл мэндийн байдлын талаарх мэдээлэл, үүнд гаж нөлөөний талаарх өгөгдөл багтана, эмчилгээ, эмнэлэг/эмчид хандсан мэдээлэл, өвчний онош, эмнэлгийн тусламж үйлчилгээ үзүүлэгч байгууллагын мэдээлэл.

   

• 4Таны хувийн мэдээллийг ямар зорилгоор боловсруулдаг вэ?

  Бид таны хувийн мэдээллийг дараах зорилгоор боловсруулдаг:

  • бүтээгдэхүүнийхээ аюулгүй байдлыг хянах, үүнд гаж нөлөөг илрүүлэх, үнэлэх, хянах, урьдчилан сэргийлэх, мөн гаж нөлөөг холбогдох байгууллагуудад мэдээлэх багтана;
  • Чанар ба/эсвэл үр дүнтэй байдал, тогтвортой байдал, найдвартай байдал, аюулгүй байдал, үйлчилгээ, хэрэглээтэй холбоотой аливаа доголдол зэрэг манай бүтээгдэхүүний чанартай холбоотой гомдолд хариу өгөх; бусад асуулт, хүсэлтэд хариулах, бүтээгдэхүүн, үйлчилгээгээ сайжруулах;дотоод бодлого болон тухайн улсын хууль, үндэсний / олон улсын дүрэм журам болон нийцлийн шаардлагыг дагаж мөрдөх;
  • Таны мэдүүлсэн Гаж нөлөөний мэдэгдлийн талаар тантай холбоо барих;
  • Аудит хийх, хууль эрх зүйн маргаанд хариу өгөх, эрхээ хамгаалах.

    Бид таны хувийн мэдээллийг анхдагч зорилгоос өөр зорилгоор ашиглах шаардлагатай болсон тохиолдолд, тухайн шинэ зорилго нь анхны зорилготой нийцэж байна гэх үндэслэл гаргаагүй л бол зөвхөн анхны зорилгоор ашиглана. Хэрэв нийцэшгүй өөр зорилгоор ашиглах шаардлага гарвал, танд урьдчилан мэдэгдэж,  эрх зүйн үндэслэлийг нь тайлбарлах болно.

• 5Таны хувийн мэдээллийг боловсруулах хууль зүйн үндэслэл

  Бид таны хувийн мэдээллийг дараах хууль зүйн үндэслэлд тулгуурлан боловсруулдаг:

  • Хуулиар хүлээсэн үүргээ биелүүлэх: Европын Гоо сайхны бараа бүтээгдэхүүний 1223/2009 дугаартай дүрэм ба бусад холбогдох хуулийн дүрэм журмын дагуу тайлагнах үүргээ биелүүлэх.
  • Олон нийтийн эрх ашиг: Гаж нөлөөг судалж мэдээлэх замаар олон нитийн эрүүл мэндийг хамгаалах.
  • Таны олгосон зөвшөөрөл: хувийн мэдээллийг тань ашиглах зөвшөөрөл олгосон тохиолдолд.
  • Таны эсвэл өөр хэн нэгний амин чухал эрх ашгийг хамгаалах шаардлага үүсэхэд.
• 6Таны хариуцлага юу вэ?

  Таны тухай бидэнд байгаа мэдээлэл бодит ба үнэн зөв байх нь нэн чухал юм. Хэрвээ таны хувийн мэдээлэл өөрчлөгдсөн бол цаг тухайд нь бидэнд мэдэгдэнэ үү. Бидний хүссэн тодорхой мэдээллийг та өгөөгүй нөхцөлд таны мэдүүлсэн Гаж нөлөөний мэдэгдлийг боловсруулах боломжгүйг анхаарна уу.

• 7Таны хувийн мэдээллийг бид хэнтэй хуваалцдаг вэ?

  Хуулиар заасан үүрэг хариуцлагаа биелүүлэх хүрээнд бид таны Гаж нөлөөний мэдэгдэлтэй холбоотой мэдээллийг (төрсөн он, хүйс, оршин суугаа улс, эмнэлзүйн мэдээлэл гэх мэт) холбогдох эрх бүхий байгууллагуудад хүргэх шаардлагатай байдаг. Үүнийг  Гоо сайхны бүтээгдэхүүний тухай 1223/2009 дугаар (Eвропын Зөвлөл) журмын 23 дугаар зүйлд заасан болно.

  Бид таны хувийн мэдээллийг Oriflame Cosmetics группийн гишүүн байгууллагууд болон цаашид группт нэмэгдэж болох бусад компаниудтай хуваалцах болно. Энэ нь Гаж нөлөөний талаарх мэдэгдлийг дотооддоо удирдах ба холбогдох байгууллагуудад мэдээлэх үүргийг биелүүлэхэд шаардлагатай юм.

  Бид таны хувийн мэдээллийг танд гаж нөлөө үзүүлсэн байж болзошгүй бүтээгдэхүүнийг борлуулсан Оriflame компанитай хуваалцах бөгөөд энэ нь уг борлуулалттай холбоотойгоор хууль эрх зүйн шаардлагыг шийдвэрлэхэд шаардлагатай юм.

  Бид таны хувийн мэдээллийг гуравдагч талууд, мөн үйлчилгээ үзүүлэгч гуравдагч талуудтай (мөн тэдний эрх бүхий агентууд) хуваалцаж болзошгүй. Үүнд:

  (a)           таны мэдүүлсэн Гаж нөлөөний мэдэгдлийн талаар мэдээлэл авах шаардлагатай этгээдүүд орно;

  (b)           хуулийн дагуу хуваалцах шаардлага үүссэн бол;

  (c)           тантай үүсгэсэн харилцаагаа удирдах шаардлагатай болоход; эсвэл

  (d)           үүнийг хийх хууль ёсны өөр ашиг сонирхол байгаа нөхцөлд.

   

  Бид гуравдагч этгээдүүдээс таны хувийн мэдээллийн аюулгүй байдлыг хүндэтгэн, хуулийг мөрдлөг болгож боловсруулж, хамгаалах шаардлагыг тавьдаг.

  Мөн түүнчлэн, бид таны хувийн мэдээллийг гуравдагч этгээдүүдтэй хууль эрх зүйн болон бусад зохицуулалтын шалтгаанаар хуваалцаж болзошгүй (үүнд дээрх хэсэгт дурдсан гаж нөлөөг мэдээлэх мөн орно). Үүний нэг жишээ бол олж мэдсэн зүйлсээ үнэлэхийн тулд таны мэдээллийг эмнэлгийн мэргэжилтэнтэй хуваалцах шаардлага гарах тохиолдол юм. Мөн бидний бизнес бүхэлдээ эсвэл хэсэгчлэн гуравдагч этгээдийн эзэмшилд шилжих тохиолдолд таны хувийн мэдээллийг гуравдагч этгээдтэй хуваалцаж болзошгүй.

• 8Бид таны хувийн мэдээллийг Европын Холбооны нутаг дэвсгэрээс гадна байрлах нутаг дэвсгэр рүү шилжүүлэх үү?

  Бид таны хувийн мэдээллийг Европын Эдийн Засгийн Бүстэй адил түвшний өгөгдөл хамгаалах хууль эрх зүйн орчингүй улс орнууд руу шилжүүлэх шаардлага үүсэж болзошгүй. Жишээлбэл, бид таны хувийн мэдээллийг манай Мэдээлэл технологийн дэмжлэгийн баг байрладаг Энэтхэг улс руу шилжүүлэх шаардлагатай болохоос гадна таны Гаж нөлөөний тухай гомдолтой холбоотойгоор таны оршин суудаг улсын Хэрэглэгчид үйлчилгээ үзүүлэх багт шилжүүлэх шаардлагатай болж болзошгүй.

  Бид ийм төрлийн шилжүүлгийг хууль ёсны, холбогдох эрх бүхий байгууллагуудын зөвшөөрч баталгаажуулсан гэрээний хүрээнд мэдээллийн  аюулгүй байдлыг хангаж хийх болно. Та хүчин төгөлдөр мөрдөгдөж буй хамгаалалтын арга хэмжээний талаар илүү дэлгэрэнгүй мэдээлэл авахыг хүсвэл манай Мэдээллийн хамгаалалтын албаны ажилтантай privacy@oriflame.com хаягаар холбогдоно уу.

• 9Бид таны мэдээллийг ямар хугацаанд хадгалах вэ?

  Бид таны хувийн мэдээллийг зөвхөн түүнийг цуглуулсан зорилгоо биелүүлэхэд шаардагдах хугацааны туршид хадгалах бөгөөд үүнд хууль эрх зүйн, санхүүгийн,  тайлангийн зэрэг зорилгууд багтана. Ерөнхийдөө, бид гаж нөлөөтэй холбоотой мэдээллийг тухайн гаж нөлөөний гомдолтой холбоотой гоо сайхны бүтээгдэхүүний сүүлийн багц зах зээлд худалдаанд гарсан өдрөөс хойш 10 жилийн хугацаанд хадгалдаг ч хэрэв уг гомдол нь хууль эрх зүйн түвшинд нэхэмжлэл үүссэн байгаа  бол мэдээллийг илүү удаан хугацаагаар буюу тухайн нэхэмжлэл болон түүнтэй холбоотой бусад нэхэмжлэл шийдэгдтэл хадгална. Ийнхүү хадгалагдсан мэдээллийг боломжит хамгийн өндөр түвшинд нэрийг нь нууцалж хадгалдаг.

  Хувийн мэдээллийг хадгалах зохистой хугацааг тодорхойлохдоо бид хувийн мэдээллийн хэмжээ, төрөл, эмзэг байдал, тус мэдээллийг зөвшөөрөлгүй ашиглах эсвэл ил тод болгоход учирч болзошгүй хохирлын эрсдэл, мөн тус мэдээллийг боловсруулах зорилго болон эдгээр зорилгыг бусад аргаар биелүүлэх боломжтой эсэх, холбогдох хууль эрх зүйн шаардлагуудыг авч үзэх болно.

• 10Та нууцлалын ямар эрхийг эдлэх вэ?

  Хуулийн дагуу та дараах эрхийг эдэлнэ:

  • Хувийн мэдээлэл рүүгээ нэвтрэх. Мэдээлэл рүүгээ нэвтрэхтэй холбоотой бүх хүсэлтээ бичгээр илгээнэ үү. Та хувийн мэдээлэл рүүгээ үнэ төлбөргүй нэвтрэх ч, хэрвээ таны нэвтрэх хүсэлт хэт олон эсхүл ямарваа нэгэн үндэслэлгүй байгаа нь илэрхий байгаа нөхцөлд тодорхой хэмжээний төлбөр төлөх шаардлага үүсэж болзошгүй. Бид таны мэдээллийг баталгаажуулах зорилгоор тодорхой мэдээлэл шаардах болно.
  • Таны талаар боловсруулж буй хувийн мэдээллийг засварлах. Энэ үйлдэл нь дутуу эсвэл буруу мэдээллээ засах боломжийг танд олгоно.
  • Хувийн мэдээллээ устгах. Энэ үйлдэл нь хувийн мэдээллээ устгах эсвэл арилгах боломжийг танд олгоно.
  • Энэхүү мэдэгдэлд заасны дагуу таны хувийн мэдээллийг боловсруулахад татгалзлаа илэрхийлэх.
  • Хувийн мэдээллээ боловсруулахыг хориглох. Энэ үйлдлээр та хувийн мэдээллээ боловсруулахыг түр зогсоохыг хүсэх боломжтой, жишээлбэл, та биднээс мэдээллийн үнэ зөв эсэхийг баталгаажуулахыг хүсэж болно.
  • Таны хувийн мэдээллийг шилжүүлэх. Та бидэнд таны хувийн мэдээллийг бүтцийн дагуу, түгээмэл ашиглагддаг, машин уншиж болох хэлбэрээр гуравдагч талуудад хүргүүлэх хүсэлтээ хүргүүлэх боломжтой.
  • Зөвшөөрлөө хүчингүй болгох. Хэрвээ та бидэнд хувийн мэдээллийг тань ашиглах зөвшөөрлийг олгосон бол та энэ зөвшөөрлөө хүссэн үедээ цуцлах боломжтой.
  • Гомдол гаргах. Бидний мэдээлэл боловсруулах үйл ажиллагааны талаар танд санал гомдол байгаа бол privacy@oriflame.com хаяг руу мэйл илгээнэ үү.Түүнчлэн та Ирландын Өгөгдөл Хамгаалах Комиссарт гомдол гаргах боломжтой. Үүнийг https://forms.dataprotection.ie/contact хаягаар цахимаар хийх, эсвэл “Office of the Data Protection Commissioner, 21 Fitzwilliam Square South Dublin 2, D02 RD28, Ireland” хаяг руу бичгээр илгээх, мөн +353 (01) 765 01 00 эсвэл +353 1800 437 73 дугаар руу залгаж хийх боломжтой.

  Та өөрийн хувийн мэдээлэлтэй холбоотой эрхээ эдлэхийг хүссэн тохиолдолд, энэхүү мэдэгдлийн 17-р хэсэгт заасан бидэнтэй холбоо барих мэдээллийн дагуу бидэнд хандана уу.

• 11Аюулгүй байдал

  Таны хувийн мэдээлэл манай систем рүү шилжсэн даруйд бид мэдээллийг хамгаалахын тулд бүхий л боломжит арга хэмжээг авч, нууцлалын өндөр зэрэглэлийг баримталдаг. Бид таны хувийн мэдээллийг зөвшөөрөлгүй хандалт, өөрчлөлт, ил тод болох, эсвэл устах болон гэмтэхээс хамгаалахын тулд зохих аюулгүй байдлын арга хэмжээг хэрэгжүүлж ажилладаг.

   

• 12Нууцлалын мэдэгдэлд орох өөрчлөлтүүд

  Энэхүү Нууцлалын Мэдэгдэлд өөрчлөлт орсон нөхцөлд бид танд мэдэгдэх болно.

• 13Бидэнтэй холбоо барих

Энэхүү нууцлалын мэдэгдлийн талаар эсвэл таны хувийн мэдээллийг бид хэрхэн хадгалдаг талаар танд асуулт байвал privacy@oriflame.com хаягаар манай Өгөгдөл хамгаалах ажилтантай холбогдоно уу.