Ач тустай бодисуудын шингэх түвшин бие махбодын тус бодисуудын дутагдлаас хамаардаг: хэрэгцээ хир их байна тэр зэргээр сайн шингэнэ. Аминдэмүүд нь эрдэс бодисуудын шингэцэд ямар нэгэн нөлөө үзүүлдэггүй ба эрдэс бодисууд ч бас аминдэмийн шингэцэд нөлөөлдөггүй. Зарим нэг бодисууд нь нарийн гэдсэнд шингэх нь илүү түргэн байдаг ч хоол боловсруулах эрхтнүүдэд ижил түвшинд шингэдэг тул эцсийн үр дүнд ямар нэгэн өөрчлөлт гардаггүй. Харин гэдэсний архаг өвчтэй (жишээ нь: бүдүүн гэдэсний үрэвсэл, хоол боловсруулах системийн үрэвсэлт өвчин) хүмүүсийн аминдэм ба эрдэс бодисуудын шингээх түвшин буурсан байдаг тул тэд нэмэлтээр аминдэм, эрдэс бодисын иж бүрдэл уудаг.
С аминдэмийн хувьд тэрээр органик бус төмрийн шингэцийг сайжруулдаг бол кальцийн өндөр агууламж шингэцийг нь бууруулдаг. «Вэлнэс Пэк»-д С аминдэм болон кальц хоёулаа агуулагддаг тул тэд төмрийн шингээлтэд нөлөөлдөггүй. Эндээс бид ямар шалтгаанаар ихэнх аминдэм эрдэс бодисуудад төмөр, кальц болон С аминдэм нэг дор агуулагддаггийг ойлгох боломжтой. Кальц ба төмрийн өндөр агууламжтай бүтээгдэхүүнүүдийг (жишээ нь: ясны сийрэгжилтээс сэргийлэх эсвэл цус багадалтыг эмчлэх бүтээгдэхүүнүүд) хамтад нь хэрэглэхгүй байвал зохимжтой.