Skip to main content Skip to main menu Skip to search
  1. Home
  2. Бидний тухай
  3. Нийгмийн сайн сайхны төлөө

Нийгмийн сайн сайхны төлөө

Орифлэйм компани цаг ямагт мөрөөдлөө бодит болгохын төлөө ажиллаж, түүнийгээ биелүүлдэг хүмүүсийг дэмжсээр ирсэн. Компани энэ зарчмаа үүсгэн байгуулагдсан 1967 оноос хойш мөн нийгмийн сайн санааны үйл ажиллагаандаа ч мөн баримтлаж ирсэн.

Бидний тусламж хүн  амын хамгийн эмзэг бүлэг болох хүүхэд ба залуу эмэгтэйчүүдэд хүрч тэдэнд мөрөөдлөө биелүүлэх боломжийг олгоно гэдэгт чин сэтгэлээсээ итгэдэг. Бид хүн бүрийг бие даасан, ур чадвараа хөгжүүлсэн, амжилтад хүрсэн иргэн болгох зорилготой ба энэ зорилго маань бидний олон нийтийн амьдралд оролцох, дэмжлэг үзүүлэх үндсэн зарчим юм. Энэ зарчим нь Орифлэймийн бизнесийн загвартай бүрэн нийцдэг.

Дээд зэргийн үр дүнд хүрэхийн тулд бид сайн санааны бүх төслүүдээ Орифлэймийн сайн санааны санд нэгтгэсэн. Бидний хамтран ажилладаг төрийн бус байгууллагууд зөвхөн боловсролын салбарт амжилттай төсөл хэрэгжүүлэх туршлагатай байгаад зогсохгүй манай компанийн үнэт зүйлс ба хэтийн зорилгыг ч мөн дагадаг юм. Дэлхийн Хүүхдийн сан ба Хүүхдийн Яаралтай Тусламжийн тосгонуудтай урт хугацаанд хамтран ажиллаж байгаагаараа бид бахархаж явдаг билээ.

 

Дэлхийн хүүхдийн сан

Хүүхэд болгон аз жаргалтай бага нас, аюулгүй байдал, баяр баясгалантай байж, хөгжилдөн тоглох болон танин мэдэх эрхтэй. Харамсалтай нь хүний эдгээр салшгүй эрхүүдийг олон хүүхдүүд эдэлж чадахгүй байна. Иймээс Орифлэйм Хүүхэд хамгаалах дэлхий нийтийн байгууллагыг хамтран үндэслэгчийн нэг болсон юм. Энэ байгууллагын туслалцаатайгаар хамгийн эмзэг бүлгийн хүүхдүүдэд буюу хараа хяналтгүй, бэлгийн хүчирхийлэлд өртсөн болон засан хүмүүжүүлэх байгууллагад байгаа хүүхдүүдэд туслах боломжтой.

Хүүхдийн яаралтай тусламжийн тосгон

Энэхүү  байгууллагын үндсэн зорилго бол өөрийн төрсөн эцэг эхийн халамжид хүмүүжих боломжгүй хүүхдүүдийг урт хугацаанд халамжлан, хамгаалахад оршино. Үйл ажиллагаагаа эхлүүлсэн 60 жилийн өмнө ч, өнөөдөр ч Хүүхдийн Яаралтай Тусламжийн тосгонуудын зорилго өөрчлөгдөөгүй – хүүхэд бүр хайр халамж, хүндэтгэлээр хүрээлүүлсэн гэр бүлд өсөх ёстой.